પ્રખ્યાત કોમેડિયન લીલી સિંહ આ દિવસોમાં હોસ્પિટલમાં દાખલ છે. તેને ઓવેરિયન સિસ્ટની ફરિયાદ છે. આ વાતની જાણ થતાં જ તેને ઈમરજન્સી રૂમમાં દાખલ કરવામાં આવી હતી. આ માહિતી યુટ્યુબર લીલી સિંહે પોતે આપી હતી. તેણે પોતાના ઈન્સ્ટાગ્રામ પર એક વીડિયો શેર કર્યો છે. આમાં તે પોતાની બીમારી વિશે માહિતી આપતી જાેવા મળી રહી છે. લીલી સિંહે ઈન્સ્ટાગ્રામ પર શેર કરેલા વીડિયોમાં તે હોસ્પિટલના રૂમમાં જાેવા મળી રહી છે. તે ત્યાંથી ફેન્સને પોતાની બીમારી વિશે જણાવી રહી છે. વીડિયો જાેઈને બોલિવૂડ સેલેબ્સ સહિત ચાહકો તેને જલ્દી સ્વસ્થ થવાની કામના કરી રહ્યા છે.
વીડિયો શેર કરતાં તેણે લખ્યું, ‘ઇમરજન્સી રૂમમાં મારો છેલ્લો દિવસ| કારણ કે મને મારા ઓવેરિયન સિસ્ટ છે. મને તે સમજવા દો. તે દર મહિને એકવાર મને પરેશાન કરે છે અને પીરિયડ્સ દરમિયાન પણ મને પરેશાન કરે છે. આના કારણે હું નબળી પડી ગઈ છું, દુઃખાવો થાય છે અને હું થાકી ગઈ છું. પરંતુ હું ખરેખર મારા અંગો સૌથી વધુ કામ કરે તેવી અપેક્ષા રાખું છું. વીડિયો જાેઈને બોલિવૂડ એક્ટ્રેસ જેકલીન ફનાર્ન્ડિઝે લખ્યું, ‘તમારા માટે પ્રાર્થના કરું છું.’ જ્યારે તન્નાઝ ઈરાનીએ લખ્યું, ‘ગેટ વેલ સુન ડાર્લિંગ.’ ડીજે સુકેતુએ પણ લીલી સિંહના ઝડપથી સ્વસ્થ થવાની પ્રાર્થના કરી. આ સિવાય લીલીના ચાહકો તેના જલ્દી સ્વસ્થ થવાની કામના કરી રહ્યા છે.
ઈન્ડો-કેનેડિયન કોમેડિયન લીલી સિંહ તેની યુટ્યુબ ચેનલ સુપરવુમનથી પ્રખ્યાત થઈ. તે તાજેતરમાં હુલુની કોમેડી સિરીઝ ડોલફેસની બીજી સીઝનમાં જાેવા મલી હતી. આ ઉપરાંત, તેનું પુસ્તક બી અ ટ્રાયેન્ગલઃ હાઉ આઈ વોન્ટ ટુ બીઈંગ લોસ્ટ ટુ ગેટીંગ માય લાઈફ ઈન શેપ આવનાર છે.
ઓવેરિયન સિસ્ટ એક પ્રકારના પ્રવાહીથી ભરેલા નાના ફોલ્લા અથવા ગઠ્ઠો છે. જે અંડાશયની અંદર બનવા લાગે છે. રિપોર્ટ અનુસાર, અંડાશયના આ ગઠ્ઠાઓને અંડાશયના સિસ્ટ કહેવામાં આવે છે. ઓપરેશન પછી પણ તે સંપૂર્ણપણે દૂર થતું નથી.
