ઈસ્લામાબાદ હાઈકોર્ટે પાકિસ્તાન સરકારને ઈન્ટરનેશનલ કોર્ટ ઓફ જસ્ટિસના ર્નિણય અનુસાર કુલભૂષણ જાધવની ફાંસીની સજા સામે અપીલ કરવા માટે વકીલની નિમણૂક કરવા માટે ભારતને વધુ એક તક આપવાનો નિર્દેશ આપ્યો છે. હાઈકોર્ટે ભારતને ૧૩ એપ્રિલ સુધીમાં કુલભૂષણ જાધવ માટે પાકિસ્તાની સૈન્ય અદાલતની દોષિત ઠરાવવામાં અને તેને આપવામાં આવેલી સજાની સમીક્ષા સાથે સંબંધિત મુદ્દા પર ચર્ચા કરવા માટે વકીલની નિમણૂક કરવા જણાવ્યું હતું.
૫૧ વર્ષીય ભારતીય નૌકાદળના નિવૃત્ત અધિકારી જાધવને એપ્રિલ ૨૦૧૭માં પાકિસ્તાનની લશ્કરી અદાલતે જાસૂસી અને આતંકવાદના આરોપમાં મૃત્યુદંડની સજા ફટકારી હતી. ભારતે જાધવને કોન્સ્યુલર એક્સેસ ન આપવા બદલ પાકિસ્તાન વિરુદ્ધ ઈન્ટરનેશનલ કોર્ટ ઓફ જસ્ટિસ (ૈંઝ્રત્ન)નો સંપર્ક કર્યો હતો અને જાધવની સજાને પડકારી હતી. બંને પક્ષોને સાંભળ્યા પછી, હેગ સ્થિત ૈંઝ્રત્નએ જુલાઈ ૨૦૧૯માં એક ર્નિણય આપ્યો હતો જેમાં પાકિસ્તાનને જાધવને ભારતના કોન્સ્યુલર એક્સેસ આપવા અને તેની સજાની સમીક્ષા સુનિશ્ચિત કરવા જણાવ્યું હતું.
ઈસ્લામાબાદ હાઈકોર્ટે ઓગસ્ટ ૨૦૨૦માં ચીફ જસ્ટિસ અતહર મિનાલ્લાહ, જસ્ટિસ અમીર ફારૂક અને જસ્ટિસ મિયાંગુલ હસન ઔરંગઝેબની ત્રણ સભ્યોની મોટી બેંચની રચના કરી હતી, જેણે ભારતને જાધવ માટે પાકિસ્તાન તરફથી વકીલની નિમણૂક કરવા વારંવાર કહ્યું હતું, પરંતુ નવી દિલ્હી એવું કહેતી રહી છે. તે જાધવ માટે ભારતીય વકીલની નિમણૂક કરવા માંગે છે, જેને મંજૂરી મળવી જાેઈએ. પાકિસ્તાનના એટર્ની જનરલ ખાલિદ જાવેદ ખાનની દલીલો સાંભળ્યા બાદ કોર્ટે ગુરુવારે ભારતને ૧૩ એપ્રિલ સુધીમાં જાધવ માટે વકીલની નિમણૂક કરવા જણાવ્યું હતું.
