પંજાબમાં પાછલા ૧૦૦ દિવસમાં ૫૯ લોકોનાં મોત નશાના ઓવરડોઝથી થઈ ચૂક્યાં છે. એટલે કે દર બીજા દિવસે પંજાબ એક દીકરો ગુમાવી રહ્યું છે. મૃતકોમાં ૬૦% યુવકોની ઉંમર ૨૮ વર્ષથી ઓછી હતી. ૯૦% મામલામાં મરનારાએ નશો પોતાના ગામથી લીધો હતો. આ ચોંકાવનારો ખુલાસો ત્યારે થયો જ્યારે નશાથી જીવ ગુમાવનારા દીકરાઓના ગામે ટીમ પહોંચી.
ભઠીંડાના તલબંડી સાબો હલકે સ્થિત ગામ સિંગોમાં એક જ પરિવારના ચાર દીકરાઓને ગુમાવનારી મહિલાઓ સંતાપ કરતી જાેવા મળી. પરિવારમાં માતમ કરનારો કોઈ પુરૂષ નહોતો. જલંધર કેન્ટના મોહલ્લો-૩૧ હોય કે પછી ફાજિલ્કાના ગામ ભંબા બટ્ટૂ કે પછી કાલે ધન્નુપુર (અમૃતસર)..તમામ સ્થળે પરિવારોએ એક જ વાત કહી કે તેમના દીકરાઓને નશો બીજે ક્યાંયથી નહીં, પરંતુ ગામથી જ ખરીદ્યો હતો.
