જીલ્લા પોલીસવડા નગરચર્યાએ નીકળશે, દર મહિને એક પોલીસ મથક વિસ્તારમાં ચાર દિવસ રોકાશે
પોલીસિંગની નવી પોલિસીઃ દેશમાં પ્રથમ વખત રાજ્યમાં વિશેષ આયોજન
ગુજરાતમાં ન્યાય અને કાયદાનું શાસન સુદૃઢ રાખવા રાજ્ય પોલીસ વડાની અનોખી પહેલ
વર્ષો પહેલા રાજા- મહારાજા પોતાના રાજયમાં રાત્રે નગરચર્યાએ નિકળતા હતા. જેનો હેતુ રાજ્યમાં પ્રજાની પરેશાની અને સુખાકારીનું જાત નિરીક્ષણ કરવાનો હતો. નાગરિકોના મનની વાત જાણવા માટે ડીજીપી વિકાસ સહાયે અનોખી પહેલ કરી છે. જેમાં તેમણે ગુજરાતના તમામ જિલ્લાના પોલીસવડાને દર મહિને એક પોલીસ મથકમાં ચાર દિવસનું રોકાણ કરી નગરચર્યા કરવા સૂચના આપી છે. તેઓ સમગ્ર વિસ્તારની પરિસ્થિતી, કાયદો વ્યવસ્થા અને પોલીસસીંગની વિગતો એકત્રિત કરી રિપોર્ટ કરશે. માત્ર લોકોની જ સમસ્યા નહિ પરંતુ પોલીસની પણ કોઇ મુશ્કેલી હશે તો તેના નિરાકણ માટે પણ પ્રયાસ કરશે. જીલ્લા એસપીએ પોલીસ મથકની વાર્ષિક તપાસણી વખતે ત્યાં રોકાણ કરવાનું રહેશે. માત્ર પોલીસ મથક નહિં પરંતુ તેની તમામ આઉટ પોસ્ટ અને પોલીસ ચોકીની પણ આ સમય દરમિયાન વિઝીટ કરી શકાય.સામાન્ય રીતે શહેરમાં પોલીસ કમિશનર વર્ષે એક વખત પોતાના તાબાના પોલીસ મથકોમાં નોટ રીંડીંગ માટે જતાં હોય છે. જેનો હેતું એ હોય છે કે ખુદ કમિશનર જેતે પોલીસ મથકની જાત મુકાલાત લઇ તેની કામગીરી, સ્થાનિક લોકોની અને પોલીસની ફરિયાદો- રજૂઆતો સાંભળે અને સમજે. તેવી જ રીતે જીલ્લામાં જિલ્લા એસ.પી. પોતાના તાબામાં આવતા પોલીસ મથકોની કામગીરીની એક વખત વર્ષિક તપાસણી કરતા હોય છે. સામાન્ય રીતે જીલ્લા પોલીસવડા આવે અને થોડીવાર બેસી સ્ટેશન ડાયરી અને જરૂરી ડોક્યુમેન્ટ ચેક કરી ચા- નાસ્તો કરીને વિદાય થતા હોય છે.
હવે આ પ્રથામાં ફેરફાર કરવા માટે ડીજીપી વિકાસ સહાય દ્વારા ખાસ આદેશ કરવામાં આવ્યો છે. જેમાં વાર્ષિક તપાસણી માટે જે પોલીસ મથકમાં એસ.પી જવાના હોય ત્યાં તેમણે ત્રણ નાઇટ- ચાર દિવસનું રોકાણ કરવાનું. પોલીસ મથકની કામગીરી, સ્ટાફની કામગીરી સહિતની તમામ બાબતોનું અવલોન કરવાનું. જરૂર પડ્યે સુચન કરવાના. આ ઉપરાંત પોલીસ મથકની હદમાં આવતા શૈક્ષણીક, ઔદ્યોગિક વિસ્તાર, બજારની વિઝીટ કરવાની તેમજ સામાજીક અને સ્થાનિક અગ્રણીઓ સાથે મિટીંગ કરી તેમની રજૂઆતો, સુચનો તથા સમસ્યાઓ સાંભળવાની રહેશે. સ્થાનિક લોકો પોલીસ અંગે શું વિચારી રહ્યા છે. તેમની અપેક્ષા શું છે. જેમાં પોલીસ કેટલા અંશે સફળ છે તેનો અહેવાલ તૈયાર કરવામાં આવશે. આ સંપૂર્ણ કવાયતનો મુખ્ય હેતુ સારૂં પોલીસીંગ થાય તે માત્ર હોવાનું પોલીસવડા વિકાસ સહાયનું કહેવું છે. એસ.પી. પોલીસ મથકની હદમાં રોકાય અને સ્થાનિક પોલીસને ઠપકો આપે તેવું નહિ સ્થાનિક પોલીસ અને એસ.પી. એકબીજાની નજીક આવે તે માટે આ કવયાત કરવામાં આવશે.સામાજિક અગ્રણીઓ અને વેપારીઓ સાથે ઔપચારિક મુલાકાત જ્યારે જીલ્લા પોલીસવડા જે પોલીસ મથકમાં ચાર દિવસ રોકાશે. તે સમય દરમિયાના તેઓ જેતે પોલીસ મથકની હદમાં આવેલા બજારના વેપારીઓ. ઇન્ડ્રસ્ટી્યલ એસ્ટેટના ઉદ્યોગપતિઓ તથા સામાજીક અગ્રણીઓ સાથે પણ મિટીંગ કરીને તેમની સમસ્યાઓ અને ફીડબેક લઇ શકાય. જેને હેતું માત્ર અને માત્ર પોઝીટીવ પોલીસીંગનો બની રહે. શાળાના શિક્ષકો અને વિદ્યાર્થીઓને પણ મળી શકાશે.ખાનગી રાહે સ્થાનિક વિસ્તારના નાગરિકોના મનની વાત જાણશે ઘણી વખત સ્થાનિક રહેવાસીઓ સ્થાનિક પોલીસની બે આંખની શરમ કે પછી ડરને કારણે ઘણા મુદ્દે ચુપ રહેતા હોય છે. હવે તેમની ચુપકીદી નુકશાનકારક સાબિત થઇ શકતી હોય છે. માટે જ જો ખુદ એસ.પી તેમની સાથે મિટીંગ કરે તો તેમના મનની વાત જાણી શકે તેમના સુચનો પણ આવકાર્ય રહેશે. સંવેદનશીલ વિસ્તારો અને તોફાની તત્વોને ઝેર કરવાની પ્રાથમિકતા દરેક જિલ્લામાં ચોક્કસ વિસ્તરામાં કેટલાક માથાભારે – તોફાની તત્વોની વ્યાપક ફરિયાદો ઉઠતી હોય છે. આવી પરિસ્થિતીમાં તેમને ઝેર કરવા માટે સ્થાનિક પોલીસે શું પગલાં લીધા અને તેના માટે તેમને સિનિયર ઓફીસરોની શું મદદ જોઇએ છે તે મુદ્દે પણ ચર્ચા થઇ શકશે. આ પરિસ્થિતિમાં તોફાની તત્વોને ઝેર કરવાને પ્રાથમિકતા આપવામાં આવશે. પોલીસ-પ્રજા વચ્ચે સીધો સંવાદ થાય તેના માટેનો હાકારાત્મક અભિગમ ઃ વિકાસ સહાય( ડીજીપી) જીલ્લા પોલીસવડા સ્થાનિક પોલીસની કામગીરીથી સ્થાનિક લોકો શું માની રહયા છે. તેનો અભિપ્રાય લઇને વધુ સારી કામગીરી થાય તેના ઉપર ફોકસ કરશે. આ ઉપરાંત પોલીસ અને પબ્લીક એકબીજા પર વિશ્વાસ મુકી નજીક આવે તેના માટે આ હકારાત્મ અભિગમ અપનાવવામાં આવ્યો છે. ચાર દિવસના રોકાણમાં સ્થાનિક પોલીસને માત્ર ભુલો નહિ કાઢી તેમની સારી કામગીરીને પણ ઉજાગર કરવામાં આવશે.
