એક તરફ પોલીસની ડ્રાઇવ અને બીજી તરફ એસોજીએ કરોડો રૂપિયાનું ડ્રગ્સ ઝડપયુ
સ્થાનિક વિસ્તારમાં ફરતા માથાભારે તત્વોની સંડોવણી હોવાની શંકા
અમદાવાદ એસઓજીના એએસઆઈ જયેશ દેસાઈ, વિજેન્દ્ર ગેલોત તથા પ્રદ્યુમન સિંઘ પુવારે ગીતામંદિર ખાતેથી બે કિલો એમડી ડ્રગ્સ નો જથ્થો ઝડપી લીધો હતો. પોલીસ કમિશનર જ્ઞાનેન્દ્રસિંહ મલીકે ક્રાઈમ બ્રાન્ચને ડ્રગ્સના કેસ કરવાનો આદેશ આપ્યો છે ત્યારે જ એસઓજી ની ટીમ દ્વારા બે કરોડથી વધારે ની કિંમતનું ડ્રગ્સ ઝડપી લેવામાં આવ્યું છે જોકે એસ.ઓજીના સિનિયર અધિકારીઓના આંતરિક વિવાદને લઈને સંપૂર્ણ પ્રકરણની વિગતો જાહેર થઈ શકે નથી.અમદાવાદ ક્રાઈમ બ્રાન્ચ ગુજરાત એટીએસ તથા ખાસ ઓપરેશન કરતી એસ ઓ જી ની ટીમ દ્વારા અમદાવાદ અને આજુબાજુના વિસ્તારોમાં ચાલતા નશીલા પદાર્થો અને જીવલેણ એમડી ડ્રગ્સના વેપલા ઉપર સતત વોચ રાખવામાં આવી રહી છે. છેલ્લા ચોક્કસ સમય દરમિયાન એટીએસ અને એસ ઓ જી દ્વારા મોટા પ્રમાણમાં ડ્રગ હેરોઈન તથા અન્ય માદક પદાર્થોના જથ્થો મોટા પ્રમાણમાં કબજે લેવામાં આવે છે.નવા પોલીસ કમિશનર જ્ઞાનેન્દ્રસિંહ મલિકએ દ્વારા ચાર્જ સંભાળતા ની સાથે જ એમડી ડ્રગ્સ ના મુદ્દાને ખાસ પ્રાધાન્ય આપવામાં આવ્યું છે જેને પગલે એસ ઓ જી ના અધિકારીઓ અને કર્મચારીઓ આંતરિક ડખા વચ્ચે પેટ્રોલિંગ કરી રહ્યા છે. એસ ઓ જી ની ટીમને બાતમી મળી હતી કે ગીતામંદિર બસ સ્ટેશન ખાતે એક પેડલર બે કિલો એમડી ડ્રગ્સ લઈને ડીલીવરી આપવા માટે ફરી રહ્યો છે.જેને પગલે એસ ઓ જી ની ટીમ ગીતામંદિરબસ સ્ટેશનમાં વોચમાં ગોઠવાઈ ગઈ હતી. ચોક્કસ પેડલર હાથમાં એમડી ડ્રગ્સ લઈને પહોંચ્યો કે તરત જ પોલીસે તેને ઝડપી લીધો હતો અને તેની પાસેથી બે કિલો એમડી ડ્રગ્સ કબજે લીધું હતું. એમ ડી ડ્રગ્સ નો ભાવ અન્ય એજન્સી એક કિલોના પાંચ કરોડ રૂપિયા ગણે છે ત્યારે અમદાવાદ એસ ઓ જી દ્વારા એક કિલો નો ભાવ એક કરોડ રૂપિયા ગણી હાલ બે કરોડ રૂપિયાનો બે કિલો એમજી ડ્રગ્સ એક પેડલર સાથે ઝડપી લેવામાં આવ્યું છે.જોકે વર્ષોથી સરાહનીય કામગીરી કરતી એસ ઓ જી ની ટીમના બે સિનિયર અધિકારીઓ વચ્ચે તાજેતરમાં જ થયેલા એક કાંડ બાદ બોલવાના પણ સંબંધ રહ્યા નથી. જેને પગલે ડ્રગ્સ ના જથ્થા સાથે પકડીને લાવેલા પોલીસ કર્મીઓ આ બાબતે જાહેરાત કરી દેવી કે કેમ તેને લઈને દ્વિધા અનુભવી રહ્યા હતા.ડ્રગ્સ સાથે ઝડપાયેલા પેડલરની પૂછપરછ કરવામાં આવી રહી છે. તે આટલા મોટા પ્રમાણમાં ડ્રગ્સ ક્યાંથી લાવ્યો હતો અને ડ્રગ્સનો જથ્થો કોને પહોંચાડવાનો હતો જે અંગેની તપાસ ચાલી રહી છે એસ ઓ જી ની ટીમ ના અધિકારીઓ આંતરિક વિવાદ મૂકીને જો આ પ્રકરણની તટસ્થ તપાસ કરે તો ચોક્કસ મોટા રેકેટનો પરદાફાસ થાય તેવી પ્રબળ સંભાવના જોવા મળી રહી છે.
