નંદેસરી GIDC ને જોડતો મીની નદી બ્રિજ જર્જરિત હાલત માં સાથે સાથે રોડ પર મોત ના ખાડા પડયા,
નંદેસરી એસ્ટેટ માં 300 થી વધુ નાના મોટા ઉદ્યોગો આવેલા છે, આ તમામ ઉદ્યોગો ના કર્મચારીઓ ની અવર જવર અને ટ્રાસ્પોર્ટેશન માટે આ બ્રિજ નો ઉપયોગ કરે છે, વધુ માં આ જર્જરિત બ્રિજ નો ઉપયોગ વડોદરા શહેર જવા માટે નંદેશરી, રૂપાપુર, ફાજલપુર, રઢીયાપુરા, દામાપુરા, ચામુંડાનગર,સિંહાકુઈ જેવા અનેક ગામડાંઓ આ રસ્તે થી આ બ્રિજ નો ઉપયોગ કરે છે,
વડોદરા શહેર તરફ થી નંદેસરી ઇન્ડસ્ટ્રીયલ એસ્ટેટ માં જવા માટે એકજ રસ્તો છે , અને હાલ માં આ રસ્તા ઉપર આવે મીની નદી ના બ્રિજ પાસે રોડ ઉપર એક મોટો ખાડો પડી ગયેલ છે, વર્ષો જૂનો બ્રિજ બિસ્માર હાલત માં છે ,આશરે 2 વર્ષ અગાવ નંદેશરી એસ્ટેટ દ્વારા મીની નદી ના બ્રિજ ને ખાલી પાટાપિંડી કરી તેને સજાવી ને ખાલી છોડી દેવામાં આવેલ છે,
આ બ્રિજ જર્જરિત હાલત માં છે અને રોડ ઉપર મસમોટો ખાડો પડી ગયો છે. હાલ ચોમાસાની ઋતુ હોય વરસાદી પાણીના કારણે આ ખાડો મોટો થઈ ગયો છે. અને તેમાં પાણી ભરાઈ રહે છે. જેમાં કેટલાય વહનો બાઇકચાલક ફસડાઈ પડે છે.
આ બ્રિજ અને ખાડાનું જો મરામત કરવામાં નહિ આવે તો કોઈ વાહનચાલકને યમલોકના દ્વારે પહોંચી જતા વાર નહિ લાગે તેવી શક્યતાઓ દેખાઈ રહી છે.
વધુ માં આ બ્રિજ સિંગલ લેન સાંકડો હોવાથી સ્થાનિકો ને અવરજવર માટે ખુબજ તકલીફો નો સામનો કરવો પડે છે.
રિપોર્ટર
આર્યનસિંહ ઝાલા
નૈતિક સમાચાર(NS NEWS)
