પાકિસ્તાની પાંચ બોટ ઝડપાતાં ભારે ચકચાર મચી પેટ્રોલીંગ દરમ્યાન બિનવારસી હાલતમાં બોટ મળી આવી: કચ્છ

પાકિસ્તાની પાંચ બોટ ઝડપાતાં ભારે ચકચાર મચી પેટ્રોલીંગ દરમ્યાન બિનવારસી હાલતમાં બોટ મળી આવી કચ્છ સીમા સામે પાકિસ્તાન ચાર સબમરીન તૈનાત કરશે બીએસએફએ ઘૂસણખોરોને શોધવા કોમ્બિંગ શરૂ કર્યું

કચ્છના સરહદી વિસ્તાર નજીક આવેલા હરામીનાળામાં ગેરકાયેદર ભારતીય સીમા વિસ્તારમાંથી પાંચ પાકિસ્તાની બોટ બીએસએફએ ઝડપી પાડી હતી. જા કે, આ બોટમાંથી માછીમારોના સામાન સિવાય અન્ય કોઈ વાંધાજનક વસ્તુઓ મળી નથી. તેથી આ બોટમાં આવેલા શખ્સ માછીમારો હોવાનું સામે આવી રહ્યું છે. બીએસએફએ બોટમાં સવાર ઘૂસણખોરોને પકડવા માટે કોમ્બીંગ શરૂ કર્યું છે. ઉલ્લેખનીય છે કે, એક સપ્તાહ પહેલા પણ કચ્છના સિરક્રીક વિસ્તારમાંથી બે પાકિસ્તાની બોટ ઝડપાઈ છે. બન્ને બોટ બિનવારસી હાલતમાં મળી આવી હતી. બીએસએફના જવાનો પાકિસ્તાની ગતિવિધિને લઇ એકદમ એલર્ટ મોડ પર તૈનાત કરી દેવાયા છે અને સમગ્ર વિસ્તારમાં સર્ચ ઓપરેશન પણ ચલાવી રહ્યા છે. ગત ઓગસ્ટ મહિનામાં બીએસએફને કચ્છ જિલ્લા નજીક ભારત-પાક સરહદની બાજુમાં હરામી નાળાની ખાડીમાંથી બે પાકિસ્તાની ફિશિંગ બોટ મળી આવતી હતી. સિંગલ એન્જિનવાળી બે પાકિસ્તાની બોટ બિનવારસી હાલતમાં મળી આવતા સર્ચ ઓપરેશન હાથ ધરવામાં આવ્યું હતું. જા કે, એ સમયે એ વિસ્તારમાંથી કોઇ શંકાસ્પદ વસ્તુ મળી આવી ન હતી. કચ્છની સંવેદનશીલ જળસીમાની સામે પાર પાકિસ્તાને હવે ચાર સબમરીન તૈનાત કરવાની કવાયત હાથ ધરતાં ભારતીય સુરક્ષાદળો પણ આ ઘટનાક્રમને લઇ સતર્ક બની ગયા છે. પાકની આ કવાયત પર ભારતીય સુરક્ષા એજન્સીઓ ચાંપતી નજર રાખી રહ્યા છે. સૂત્રો દ્વારા પ્રાપ્ત માહિતી અનુસાર તુર્કી દ્વારા પાકિસ્તાનને નાના કદની સબમરીન આપવામાં આવશે. ત્યારે પાકિસ્તાન આ તમામ સબમરીનને કચ્છની સામેપાર તૈનાત કરશે તે લગભગ નિશ્ચીત મનાઇ રહ્યું છે. પાક નેવીમાં આ સબમરીન જાન્યુઆરી-૨૦૨૦ સુધી સામેલ થશે. આમેય આઇએમબીએલ અને સિરક્રીક પર પાકિસ્તાનનો હરહંમેશ નાપાક ડોળો મંડરાયેલો જ રહ્યો છે તેવા સમયે કચ્છની સામે પાર સબમરીનની તૈનાતીના નિર્ણયને હળવાશથી લઇ શકાય તેમ નથી. સિરક્રીક સહિતના ક્રીક વિસ્તાર તેમજ આંતરરાષ્ટ્રીય જળસીમાને સ્પર્શતા ખુલ્લા દરિયામાં ભારતની સુરક્ષા એજન્સીઓ દ્વારા કરાતા પેટ્રોલીંગ પર નજર રાખવા સાથે આ વિસ્તાર પર પોતાનો પગદંડો જમાવવાની પેરવી પાકિસ્તાન કરી રહ્યું છે. સબમરીનની તૈનાતી તેનો જ એક ભાગ છે. આ સબમરીનમાં આધુનિક ઉપલબ્ધ હથિયાર ઉપલધબ્ધ કરાવાશે તેવી માહિતી હાથ પણ લાગી છે. જેને લઇ હવે બીએસએફ, ભારતીય જવાનોને એકદમ એલર્ટ કરી દેવાયા છે.

નૈતિક સમાચાર (NS NEWS)