તાપી-ડાંગ જિલ્લો કોરોનાથી મુક્ત થતાં તંત્રને મોટી રાહત , દક્ષિણ ગુજરાત માટે કોરોના વચ્ચે સારા સમાચાર
તાપી-ડાંગ જિલ્લો કોરોનાથી મુક્ત થતાં તંત્રને મોટી રાહત , દક્ષિણ ગુજરાત માટે કોરોના વચ્ચે સારા સમાચાર
કોરોનાના કહેર વચ્ચે હવે દક્ષિણ ગુજરાત માટે સારા સમાચાર આવ્યા છે. દક્ષિણ ગુજરાતના જિલ્લાઓ પૈકી સુરત શહેર જ રેડ ઝોનમાં છે. જ્યારે નવસારી, તાપી, વલસાડ અને ડાંગ જિલ્લો ઓરેન્જ ઝોનમાં છે. જા કે, હવે રાહતના સમાચાર એ છે કે, ડાંગી અને તાપી જિલ્લો કોરાનાથી મુક્ત થઈ ગયા છે અને નવસારી, વલસાડ અને ડાંગ જિલ્લો કોરોનાથી મુક્ત થવામાં ૧-૧ કેસ દૂર છે. તો, તાપીના બે અને ડાંગના ત્રણ દર્દીઓ સાજા થતાં મોટી રાહત મળી છે. તંત્રની સાથે સાથે સ્થાનિક લોકોમાં પણ ખુશીની લાગણી જાવા મળી રહી છે. તાપી જિલ્લામાં પહેલો કેસ માયપુરના બુટલેગર મહિલાનો ૨૦ એપ્રિલના રોજ નોંધાયો હતો. જેને તા.૪મે ના રોજ સાજા થતા રજા આપી દેવામાં આવી હતી. જ્યારે અન્ય એક કુકરમુંડા તાલુકાનાં ઈંટવાઇ ગામના કેન્સરની સારવાર લઈ રહેલા દર્દી વિનાયકભાઇ તુકારામભાઈ પાડવીને અમદાવાદની બી.જે.મેડિકલ હોસ્પિટલના કેન્સર વિભાગ ખાતે ખસેડાયા હતા. જ્યાં તા.૧મે ના રોજ તેમનો કોરોના ટેસ્ટ માટે સેમ્પલ લેવાયો હતો, જે સેમ્પલ પોઝિટિવ આવ્યો હતો. દરમિયાન તા.૮ મેના રોજ સાજા થતા હાલ કોવિડ-૧૯ હોસ્પિટલમાંથી રજા આપીને કેન્સરના વોર્ડમાં શિફ્ટ કરી સારવાર ચાલી રહી છે. ડાંગ જિલ્લામાં છેલ્લા ૧૫ દિવસ દરમિયાન ત્રણ પોઝિટિવ કેસ નોંધાયા હતા. આ દર્દી સાજા થઈ કોરોનાને મ્હાત આપતા તેઓને ડિસ્ચાર્જ કરવામાં આવ્યા છે. ગત રોજ ત્રીજા દર્દીને રજા આપતા ડાંગ હવે કોરોના મુક્ત જિલ્લો બની ગયો છે. ત્રણેય દર્દી સ્વસ્થ થતા હવે સાત દિવસ માટે ઘરમાં જ હોમ ક્વોરન્ટીન થશે. વલસાડ જિલ્લામાં કુલ ૬ પોઝિટિવ કેસ નોંધાયા છે. જે પૈકી ધરમપુરના એક યુવાનનું સુરત સિવિલ હોસ્પિટલમાં મોત થયું હતું. વલસાડ જિલ્લામાં પહેલો કેસ ૨૦ એપ્રિલના રોજ નોંધાયો હતો. ત્યારબાદ એક પછી એક ૬ કેસ નોંધાયા છે. જેમાં ચાર રિકવર થઈ ગયા છે. જ્યારે છેલ્લે તા.૨ મેના રોજ નોંધાયેલા પોઝિટિવ દર્દીની સારવાર ચાલી રહી છે. જેની હાલત પણ સુધારા પર હોવાનું જાણવા મળ્યું છે. જેથી વલસાડ જિલ્લામાં હાલ એક જ કેસ એક્ટિવ છે. નવસારી જિલ્લામાં કુલ સાત કેસ નોંધાયા છે. જેમાં ચીખલીમાં એક સાથે નોંધાયેલા ત્રણ કેસનો પણ સમાવેશ થાય છે. જા કે, આ કેસો પૈકી અત્યાર સુધીમાં છ દર્દી રિકવર થઈ ઘરે પહોંચી ગયા છે. જ્યારે એક દર્દીની સારવાર ચાલી રહી છે. જેને પણ ટુંક સમયમાં રજા આપવામાં આવે તેવું જાણવા મળ્યું છે. આ સંજાગોમાં દક્ષિણ ગુજરાતમાં એક પછી એક જિલ્લા કોરોનામુકત બનવાની આશા બળવત્તર બની છે.
વધુ સમાચાર માટે અમારા પેજ-ચેનલ અને વેબસાઈટ ને Follow અને Like અને subscribe કરો
https://www.facebook.com/NS-News-1863839916995616/
https://www.facebook.com/naitik.samachar
https://www.youtube.com/channel/UCZ0quEJMc8OK3Bw7S60E_IA
Download NS News app from playstore free
https://play.google.com/store/apps/details?id=com.gmaxmart.nsnews
નૈતિક સમાચાર (NS NEWS)
