માઓવાદીને મદદ કરનારા ભાજપના નેતાની ધરપકડ , માઓવાદીઓને ભાજપને નેતાએ ટ્રેકટર અપાવ્યું હતું
માઓવાદીને મદદ કરનારા ભાજપના નેતાની ધરપકડ , માઓવાદીઓને ભાજપને નેતાએ ટ્રેકટર અપાવ્યું હતું
છતીસગઢમાં માઓવાદીને ટ્રેક્ટર ઉપલબ્ધ કરાવવાના આરોપમાં ભાજપના દંતેવાડા જિલ્લાના ઉપાધ્યક્ષ જગત પુજારી અને એક અન્ય વ્યક્તિની ગત ૧૪મી જૂને ધરપકડ કરવામાં આવી છે. છતીસગઢ પોલીસના કહેવા અનુસાર જગત પુજારી લગભગ છેલ્લા એક દાયકાથી માઓવાદીને સામાન ઉપલબ્ધ કરાવતા રહ્યા છે. માઓવાદી નેતા અજય આલમી માટે ટ્રેક્ટર ખરીદવાના આરોપમાં આ ધરપકડ કરવામાં આવી છે. આલમી પર પોલીસે પાંચ લાખ રુપિયાનું ઈનામ રાખ્યું હતું. પોલીસ ૯,૧૦,૦૦૦ રુપિયાની કિંમતનું ટ્રેક્ટર જપ્ત કર્યું છે. દંતેવાડા જિલ્લાના પોલીસ વડા અભિષેક પલ્લવે કહ્યું કે, છેલ્લા કેટલાક સમયથી અમે આલમી સહિત કેટલાક માઓવાદી નેતાઓના ફોન-કોલ ઈન્ટરસેપ્ટ કરી રહ્યા હતા. આ દરમિયાન ભાજપ નેતા પુજારીનો ફોન નંબર કેટલીય વાર સામાન ઉપલબ્ધ કરાવવા માટે સામે આવ્યો હતો. તાજેતરમાં આલમીએ પુજારીને કહ્યું કે તેને ટ્રેક્ટર જોઈએ છે. બાદમાં પુજારીએ ખરીદદારી માટે પ્રમાણપત્ર થકી માઓવાદી નેતાને ટ્રેક્ટર ઉપલબ્ધ કરાવી આપ્યું હતું. આ માટે તેમણે રમેશ ઉસેંડીની પત્નીની મદદ લીધી જે આલમીના ગામની છે. આ ઈનપુટના આધારે પોલીસે ગીડમની પાસે બે સ્થાનો પર બેરીકેડ્સ લગાવી દીધા અને તમામ નવા ટ્રેક્ટરો રોકી દીધા હતા. ધરપકડ કરાયેલા ત્રણ લોકોમાં સામેલ રમેશ ઉસેંડીની ઓળખ કરીને પૂછપરછ હાથ ધરાઈ છે. અહીંયા નોધવું રહ્યું કે, છતીસગઢમાં આ પહેલાં પણ માઓવાદીની મદદ કરવામાં અનેક સ્થાનિક નેતાઓની ધરપકડ થઈ ચૂકી છે.
નૈતિક સમાચાર (NS NEWS)
વધુ સમાચાર માટે અમારા પેજ-ચેનલ અને વેબસાઈટ ને Follow-Like અને subscribe કરો
https://www.facebook.com/NS-News-1863839916995616/
