૨૦મીથી દેશના ૧૧૬ જિલ્લામાં ગરીબ રોજગાર ગેરંટી યોજના , કેન્દ્ર દ્વારા કોરોનાના કપરા કાળમાં રાહતનો ડોઝ
૨૦મીથી દેશના ૧૧૬ જિલ્લામાં ગરીબ રોજગાર ગેરંટી યોજના , કેન્દ્ર દ્વારા કોરોનાના કપરા કાળમાં રાહતનો ડોઝ
વડા પ્રધાન મોદી ખુદ ૨૦ જૂને બિહારમાં રોજગાર ગેરંટી યોજના અભિયાનની શરૂઆત કરાવશે. આ અભિયાનની શરૂઆત ખાગરીયા જિલ્લાથી કરવામાં આવશે. આ દ્વારા સરકાર કુશળ મજૂરોને તેમની ક્ષમતા પ્રમાણે કામ આપવાનો પ્રયાસ કરી રહી છે. આનાથી તેમને ફાયદો થશે અને ગ્રામીણ માળખાગત વિકાસ પણ થશે. આ માટે, કૌશલ્ય મેપિંગ પૂર્ણ કરવામાં આવ્યું છેર આ અભિયાન અંતર્ગત સરકારે છ રાજ્યોમાં ૧૧૬ જિલ્લાઓની ઓળખ કરી છે. આ જિલ્લાઓમાં આશરે ૬૭ લાખ પરપ્રાંતિય મજૂરો પાછા ફર્યા છે. આ ૧૧૬ જિલ્લાઓમાં બિહારમાં ૩૨, ઉત્તર પ્રદેશમાં ૩૧, મધ્યપ્રદેશમાં ૨૪, રાજસ્થાનમાં ૨૨, ઓડિશામાં ૪ અને ઝારખંડમાં ૩નો સમાવેશ છે. આ ૧૧૬ જિલ્લાઓ છે જ્યાં ૨૫ હજારથી વધુ સ્થળાંતર મજૂર પાછા ફર્યા છે. ‘ગરીબ કલ્યાણ રોજગાર અભિયાન’ અંતર્ગત વર્ષમાં ૧૨૫ દિવસ રોજગાર આપવાની યોજના છે. સરકારે ‘ગરીબ કલ્યાણ રોજગાર અભિયાન’નું બજેટ ૫૦ હજાર કરોડ રૂપિયા રાખ્યું છે. કામદારોને કુશળતા અનુસાર ૨૫ સરકારી યોજનાઓ આપવામાં આવશે. આ અભિયાનને અમલમાં મૂકતા પહેલા સરકારે સ્કિલ મેપિંગ કર્યું છે. આત્મનિર્ભર ભારતમાં પણ પરપ્રાંતિય મજૂરો માટે મનરેગા યોજનામાં ૪૦ હજાર કરોડ વધારાની જાહેરાત થઈ ચૂકી છે. આ વર્ષે મનરેગાનું બજેટ વધીને ૧ લાખ કરોડ થયું છે. નાણાં પ્રધાન નિર્મલા સિતારમણે આ અભિયાન વિશે કહ્યું કે તે આત્મનિર્ભર ભારત પેકેજનો ભાગ છે. જ્યારે મજૂરોને કામ મળશે, ત્યારે તેઓના હાથમાં પૈસા આવશે અને તે અર્થવ્યવસ્થાને વેગ આપવા માટે ખર્ચ કરશે. આ ઉપરાંત, તેમની આવડતનો ઉપયોગ ગ્રામીણ માળખાગત વિકાસમાં પણ કરવામાં આવશે. આ અભિયાન અંતર્ગત સમુદાય સ્વચ્છતા સંકુલ, ગ્રામ પંચાયત મકાન, નાણાં પંચના ભંડોળ, રાષ્ટ્રીય ધોરીમાર્ગના કામો, જળસંચય અને સિંચાઇ, કુવાઓ ખોદકામ હેઠળ કામ કરાશે. વૃક્ષારોપણ, બાગાયત, આંગણવાડી કેન્દ્રો, પીએમ આવાસ યોજના (ગ્રામીણ), પીએમ ગ્રામ સડક યોજના, રેલવે, શ્યામા પ્રસાદ મુખર્જી અર્બન મિશન, પીએમ કુસમ, ભારત નેટનું ફાઇબર ઓપ્ટિક બિછાવવાનું કામ, જળ જીવન મિશન વગેરે કામ કરાશે.
નૈતિક સમાચાર (NS NEWS)
વધુ સમાચાર માટે અમારા પેજ-ચેનલ અને વેબસાઈટ ને Follow-Like અને subscribe કરો
https://www.facebook.com/NS-News-1863839916995616/
