ભારતે લદ્દાખ સરહદે ગલવાન વેલીમાં ટી-૯૦ ટેન્કો ખડકી , ૧૫૫ એમએમ હોવિત્ઝર સાથે ઈન્ફેન્ટરી યુદ્ધ વાહનો તૈનાત
ભારતે લદ્દાખ સરહદે ગલવાન વેલીમાં ટી-૯૦ ટેન્કો ખડકી , ૧૫૫ એમએમ હોવિત્ઝર સાથે ઈન્ફેન્ટરી યુદ્ધ વાહનો તૈનાત
(પ્રતીકાત્મક તસ્વીર)
પૂર્વ લદ્દાખમાં સરહદ ઉપર વિવાદને લઈને ભારત-ચીન વચ્ચે વાતચીતનો દોર ચાલી રહ્યો છે તેની વચ્ચે ભારતે ગલવાન સેક્ટરમાં છ ટી-૯૦ ટેન્કો તૈનાત કરી છે. મંગળવારે ભારત-ચીન વચ્ચે લશ્કરના કમાન્ડર સ્તરની બેઠક યોજાઈ હતી. ભારતીય લશ્કરે સરહદ પર ટી-૯૦ ભીષ્મ ટેન્કોને ખડકવાનો નિર્ણય ચીનની પીપલ્સ લિબરેશન આર્મીની કેટલીક હિલચાલને ધ્યાનમાં રાખીને કર્યો છે. ચીને ગલવાન વેલી ખાતે અનેત સ્થળે નિર્માણ કામગીરી હાથ ધરી છે. લશ્કર એલએસી પાસે પોતાના ક્ષેત્રની અંદર મુખ્ય ઊંચાઈવાળા સ્થાને હથિયારો તૈનાત કરી રહ્યું છે. ૧૫૫ એમએમ હોવિત્ઝરની સાથે ઈન્ફેન્ટરી યુદ્ધ વાહનોને પૂર્વ લદાખમાં ૧૫૯૭ કિ.મી. લાંબી એલએસી પર તૈનાત કરાયા છે. ચીન તરફથી કોઈપણ ખતરાનો સામનો કરવા ચુશુલ સેક્ટરમાં પણ સેનાએ બે ટેન્કો તૈનાત કરી દીધી છે. ચીનની સેના આ ક્ષેત્રમાંથી એલએસીથી પરત જવા માટે સોદાબાજી કરવાનો પ્રયાસ કરી રહી છે. ભારતીય લશ્કરે પોતાનું વલણ સ્પષ્ટ જણાવતા કહ્યું છે કે તે એક ઈંચ જમીન પણ છોડશે નહીં. લશ્કરના કમાન્ડરોના મતે ભારત સરહદને લઈને લંબાયેલા વિવાદ પર સંપૂર્ણ રીતે તૈયાર છે. બીજીતરફ ચીન જો કોઈ પગલું ભરે છે તો ભારત પણ જડબાતોડ જવાબ આપવા સંપૂર્ણ રીતે સજજ છે. ચીનની સેનાએ પૂર્વ લદ્દાખમાં માર્શલ આટ્ર્સની તાલીમ આપેલા સૈનિકોને તૈનાત કરવાનો પ્રોપોગેન્ડા અખત્યાર કર્યો છે. જ્યારે હકીકતમાં વર્તમાન પરિસ્થિતિમાં ભારતીય જવાનોની સામે ટક્કરમાં ઊભા રહેવું ચીનના સૈનિકો માટે મુશ્કેલ છે. ૧૯૮૪ પછી ભારતીય સેનાને ઊંચાઈ ધરાવતા સ્થળો પર યુદ્ધ માટે તાલીમબદ્ધ કરવામાં આવ્યા છે.
નૈતિક સમાચાર (NS NEWS)
વધુ સમાચાર માટે અમારા પેજ-ચેનલ અને વેબસાઈટ ને Follow-Like અને subscribe કરો
https://www.facebook.com/NS-News-1863839916995616/
