ભારતમાં કોરોના દર્દીઓનો આંક ૭ લાખ ઉપર પહોંચ્યો , દેશમાં વિતેલા ૨૪ કલાકમાં ૨૪,૨૪૮ નવા કેસ
ભારતમાં કોરોના દર્દીઓનો આંક ૭ લાખ ઉપર પહોંચ્યો , દેશમાં વિતેલા ૨૪ કલાકમાં ૨૪,૨૪૮ નવા કેસ
અનલોક-૦૧ની શરૂઆત સાથે જ દેશભરમાં કોરોનાના દર્દીઓની સંખ્યા વધતી જઈ રહી છે. આ સ્થિતિ અનલોક-૦૨માં પણ યથાવત રહી છે. દેશભરમાં વિતેલા ૨૪ કલાકમાં ૨૪,૨૪૮ કોવિડ-૧૯ના નવા ચેપગ્રસ્તો નોંધાયા છે. તેની સાથે કુલ દર્દીઓનો આંક સાત લાખની સાવ નિકટ પહોંચી ચૂક્યો છે. કોરોના વાયરસ સંક્રમણના કુલ ૬,૯૭,૪૧૩ નોંધાયેલા કેસોની સાથે ભારત હવે રશિયાથી પણ આગળ નીકળી ગયુ છે. મહામારીના કહેરનો સામનો કરી રહેલા કુલ ૧૮૮ દેશની યાદીમાં ભારત ત્રીજા સ્થાને પહોંચી ચૂક્યુ છે. કોરોનાથી એક જ દિવસમાં કુલ ૪૨૫ દર્દીઓએ જીવ ગુમાવ્યો છે. તેની સાથે દેશમાં કુલ મૃત્યુનો આંક ૧૯,૬૯૩ થયો છે. દેશભરમાં હાલ કોરોનાના સક્રિય કેસોની સંખ્યા ૨,૫૩,૨૮૭ છે. ભારતમાં સતત ચોથા દિવસે સંક્રમણના ૨૦ હજારથી વધુ કેસો નોંધાયા છે. ત્યારે વાયરસના બેકાબુ બનતા જતા કહેર પર કાબુ કરવા આસામ અને કર્ણાટક જેવા રાજ્યોમાં પસંદગી સ્થળો પર લોકડાઉનની સાથે જરૂરી પ્રતિબંધોનો સખ્તાઈથી અમલ કરવામાં આવી રહ્યો છે. કેન્દ્રીય સ્વાસ્થ્ય મંત્રાલયના જણાવ્યા મુજબ રવિવારે જ દેશભરમાં એક જ દિવસમાં કોવિડ-૧૯ના સૌથી વધુ ૨૪,૮૫૦ ચેપગ્રસ્તો નોંધાયા હતા. તેની સાથે રવિવારે ૨૪ કલાકમાં મહામારીથી ૬૧૩ લોકોના મૃત્યુની સાથે મૃત્તકોની સંખ્યા ૧૯,૨૬૮ થઈ હતી. કોરોનાના વધતા જતા પ્રકોપના કારણે આસામના દીમા હસાઓ જિલ્લામાં સોમવારથી બે સપ્તાહ માટે લોકડાઉન લાગુ કરી દેવાયુ છે. રાજ્યના કામરુપ મેટ્રોપોલિટનમાં પણ ગત તા.૨૮મી જૂનથી ૧૨મી જુલાઈ સુધી સંપુર્ણ લોકડાઉનનો અમલ જારી જ છે. આ જિલ્લામાં જ ગૌહાટી શહેરનો પણ સમાવેશ થાય છે. જ્યારે કર્ણાટકના દક્ષિણ કન્નડ જિલ્લાના મંગલુરૂ શહેર અને આસપાસના વિસ્તારોમાં કોરોનાના વધતા જતા દર્દીઓને પગલે લોકડાઉનનો પુનઃ અમલ શરૂ કરાયો છે. રવિવારના લોકડાઉનને લોકોએ પણ સંપુર્ણ સમર્થન આપ્યુ હતુ. જેના પગલે શહેરના તમામ માર્ગો, બજારો અને શેરીઓ સુમસામ જોવા મળી હતી. રાજય સરકાર દ્વારા શહેરમાં આગામી ૨જી ઓગષ્ટ સુધી દર રવિવારે સંપુર્ણ લોકડાઉનનો અમલ કરાવવામાં આવનાર છે.
નૈતિક સમાચાર (NS NEWS)
વધુ સમાચાર માટે અમારા પેજ-ચેનલ અને વેબસાઈટ ને Follow-Like અને subscribe કરો
https://www.facebook.com/NS-News-1863839916995616/
