Cyclone Tauktae Updates : ચક્રવાતી તુફાન “તાઉ તે”એ કર્ણાટકમાં લીધો 4 નો ભોગ, કેટલાય રાજ્યોમાં એલર્ટ
ચક્રવાત તાઉ તે રવિવાર સવારે ગોવાના દરિયા કાંઠે અથડાયું હતું. અહી દરિયો તોફાને ચડ્યો છે અને દરિયામાં ઊંચા ઊંચા મોજા ઊછળી રહ્યા છે. ગોવાના દરિયા કાંઠે ઝડપી પવન સાથે સાથે મુશળધાર વરસાદ પણ વરસી રહ્યો છે.
અહી કેટલાય ઝાડવાઓ જમીન પર ધરાશાયી થતાં જોવા મળી રહ્યા છે. ભારતીય વાયુ સેનાએ જણાવ્યુ કે તેને આગલા કેટલાક દિવસો દરિયા કાંઠાના વિસ્તારોમાં કોવિદ-19 રાહત અભિયાન પર ધ્યાન કેન્દ્રિત કરવાનું નક્કી કર્યું છે કારણ કે ખરાબ મૌસમના કારણે બાદમાં આ વિસ્તારોમાં અભિયાન પ્રભાવિત થઈ શકે છે.
ભારત હવામાન વિભાગ (IMD) મુજબ, દક્ષિણ મહારાષ્ટ્ર-ગોવા તથા તેની આસપાસ રહેલા કર્ણાટકના કાંઠા પર પવનની ગતિ 70-80 થી લઈને 90 કિલોમીટર પ્રતિ કલાક થઈ શકે છે. અને 16 મે ના ઉત્તર મહારાષ્ટ્રના કાંઠા બાજુ પવનની ગતિ 40-50 થી 60 કિલોમીટર પ્રતિ કલાકની થઈ શકે છે.
ભારત મૌસમ વિભાગ (IMD)એ રવિવારે જણાવ્યુ કે, “તેની ઉતાર પશ્ચિમ તરફ વધવાની અને 17મે ની સાંજ સુધી ગુજરાતના કાંઠા પર પહોચવાની ઘણી સંભાવનાઓ છે. અને આ વાવાઝોડું 18 મે એ પોરબંદર અને ભાવનગર જીલ્લાના મહુઆ વચ્ચેથી રાજ્યના દરિયા કાંઠાના વિસ્તારોને પાર કરશે.” આઇએમડીએ કહ્યું કે તેને ગુજરાત અને દીવ-દમણ માટે યેલ્લો (Yellow Alert) એલર્ટ જારી કર્યું છે.
આઇએમડીએ કહ્યું કે 18 મે સુધી પવનની ગતિ 150-160 કિલોમીટર પ્રતિ કલાક સુહી વધવાની શક્યતાઓ છે જયરે અમુક સમયે 175 પ્રતિ કલાકની ઝડપે પણ પવન ફૂંકાવાની શક્યતાઓ છે.
– ચક્રવાત “તાઉ તે”ને ધ્યાને લઈને રાહત તેમજ બચાવ કાર્ય માટે NDRFએ પોતાની ટીમોની સંખ્યા 53થી વધારીને 100 કરી દીધી છે.
– તાઉ તેને લઈને કેત્લ્કાય રાજ્યોએ એલર્ટ જારી દીધા છે. જ્યારે કર્ણાટકમાં ચક્રવાતની સાથે સાથે મુશળધાર વરસાદ પણ છે જેમાં 4 લોકોના મોત નિપજ્યા છે. અને રાજ્યના કુલ 73 ગામડાઓ ચક્રવાતી વાવાઝોડાથી પ્રભાવિત થયા છે.
– મહારાષ્ટ્રના સિંધુદુર્ગ અને રત્નાગિરિ જિલ્લાઓ સાથે ગોવા મોટાભાગે વરસાદ અને ભારે પવનથી પ્રભાવિત થશે. પવનની ગતિ પ્રતિ કલાક 60 થી 70 કિ.મી. જેટલી હશે. આ વાવાઝોડાએ ગોવાના દરિયાકાંઠે ત્રાટક્યું છે. અહીં સમુદ્રમાં ઊંચી તરંગો વધી રહી છે. ભારે પવન સાથે ગોવાના દરિયાકાંઠે પણ મુશળધાર વરસાદ વરસી રહ્યો છે. અહીંના રસ્તા પર અનેક વૃક્ષો પણ પડી ગયા છે.
#Cyclone Tauktae Updates #Ns news #Naitik Samachar
