એલોપેથી વિવાદ: આઈએમએ દ્વારા બાબા રામદેવને ખુલ્લી ચર્ચા માટે પડકાર, કહ્યું- તેમણે 25 પ્રશ્નો પૂછ્યા, અમે ફક્ત પાંચ જ પૂછીશું
ઈન્ડિયન મેડિકલ એસોસિએશન (આઈએમએ) ઉત્તરાખંડએ યોગગુરુ બાબા રામદેવને ખુલ્લી ચર્ચા માટે પડકાર ફેંક્યો છે. એસોસિએશને કહ્યું કે, પાંચ નિષ્ણાતોએ બંને તરફ બેસીને જાહેરમાં ચર્ચા કરવી જોઈએ. આઇએમએના રાજ્ય સચિવ ડો.અજય ખન્નાએ કહ્યું કે બાબા રામદેવે અમને 25 પ્રશ્નો પૂછ્યા છે, અમે તેમને ફક્ત પાંચ પ્રશ્નો પૂછવા માંગીએ છીએ.
બાબા રામદેવ અને આઇએમએ વચ્ચે ચાલી રહેલા વિવાદનો દોર ચાલુ છે. બાબાને તેમની લાયકાત માંગવા અને બદનક્ષીનો દાવો કરવા ચેતવણી આપ્યા બાદ આઈએમએ ઉત્તરાખંડે તેમને ગુરુવારે ખુલ્લી ચર્ચા માટે પડકાર આપ્યો છે. સચિવ ડો. ખન્નાએ કહ્યું કે, બાબા તેમના પાંચ તજજ્ઞ સાથે આવે અને મીડિયાની હાજરીમાં ડિબેટ કરે. તેમણે વધુમાં કહ્યું કે, એલોપેથી અને ડોકટરો વિશે નિવેદનબાજી કરનાર બાબાએ તેમની સાથે આખી દુનિયા સામે વાત કરવી જોઈએ, તે આ માટે સંપૂર્ણ તૈયાર છે.
તેમણે કહ્યું કે બાબાએ જાહેરમાં એલોપેથી અને ડોકટરોની મજાક ઉડાવી છે. કોરોના મહામારીમાં બધા ડોકટરો દિવસ-રાત દર્દીઓની સેવા કરવામાં વ્યસ્ત છે. આ નિવેદન દ્વારા ડોકટરોનું મનોબળ તૂટી ગયું છે. તેમણે કહ્યું કે બાબાને એલોપેથી વિશે કંઈ જ ખબર નથી. છતાં તેઓ વર્ષોથી એલોપેથી પર કામ કરતા ડોકટરો પાસેથી જવાબો માંગી રહ્યા છે. તેમણે કહ્યું કે જો બાબા આટલા મોટા જ્ઞાની છે તો જાહેર મંચ પર આવી કેમ ચર્ચા કરતા નથી?
#Ns news #Naitik Samachar #latest news
