રાજ્યસભામાં મહત્વપૂર્ણ માહિતી આપતાં કેન્દ્રીય કૃષિ પ્રધાન નરેન્દ્ર સિંહ તોમરે કહ્યું છે કે કેન્દ્ર સરકાર એમએસપીને પારદર્શક બનાવવા માટે એક સમિતિની રચનાની જાહેરાત કરશે. આ જાહેરાત પાંચ રાજ્યોમાં વિધાનસભા ચૂંટણી બાદ કરવામાં આવશે.
‘બુલ્લી બાઈ’ અને ‘સુલ્લી ડીલ્સ’ એપ કેસ પર રાજ્યસભાના ભાજપના સાંસદ સુશીલ મોદી દ્વારા પૂછવામાં આવેલા પ્રશ્નના જવાબમાં, આઇટી પ્રધાન અશ્વિની વૈષ્ણવ કહે છે, ‘મહિલાઓની ગરિમાનું રક્ષણ કરવું એ અમારા માટે મૂળભૂત રચના છે. અમે આ મુદ્દા પર સમાધાન કરી શકતા નથી.’ તેમણે કહ્યું, ‘તમામ મુદ્દાઓ પર ઝડપથી કાર્યવાહી કરવામાં આવી છે. જ્યારે પણ સરકાર સોશિયલ મીડિયાને જવાબદાર બનાવવા માટે કોઈ પગલું ભરે છે, ત્યારે વિપક્ષ અભિવ્યક્તિની સ્વતંત્રતા પર હુમલાનો આરોપ લગાવે છે, જે સાચું નથી.
શિવસેના સાંસદ પ્રિયંકા ચતુર્વેદીએ કાશ્મીરી પંડિતોનો મુદ્દો ઉઠાવ્યો હતો કાશ્મીરી પંડિતોનો મુદ્દો ઉઠાવતા શિવસેનાના સાંસદ પ્રિયંકા ચતુર્વેદીએ કહ્યું કે કાશ્મીરી પંડિતો છેલ્લા ૩૨ વર્ષથી સંઘર્ષ કરી રહ્યા છે અને બે દાયકાથી ઘર છોડીને જીવી રહ્યા છે. ૨૦૧૫માં મોદી સરકારે તેમના માટે ૬ હજાર ટ્રાન્ઝિટ હાઉસ બનાવવાની જાહેરાત કરી હતી, પરંતુ તે કામ પણ ખૂબ જ ધીમી ગતિએ ચાલી રહ્યું છે.
તમિલનાડુના રાજ્યપાલ દ્વારા રાજ્યને દ્ગઈઈ્ તબીબી પરીક્ષામાંથી મુક્તિ આપતું બિલ પાછું ખેંચવા અંગે સૂત્રોચ્ચાર કર્યા પછી કોંગ્રેસ, ડીએમકે અને ટીએમસીએ રાજ્યસભામાંથી વોકઆઉટ કર્યું ડીએમકે સાંસદ ત્રિચી સિવાએ કહ્યું કે, તમિલનાડુના મુખ્યમંત્રી બે વખત રાજ્યપાલને મળ્યા અને તેમને નીટ બિલ કેન્દ્ર સરકારને મોકલવા વિનંતી કરી, પરંતુ તેમણે તેમ કર્યું નહીં. તેમણે સંઘીય ભાવના વિરુદ્ધ કામ કર્યું. અમે તેને રાજ્યસભામાં હાઈલાઈટ કરવા માગતા હતા પરંતુ મંજૂરી આપવામાં આવી ન હતી. કોંગ્રેસ,સીપીઆઇ એમ,સીપીઆઇ,ટીએમસી રાજદ ટીએમસી રાજદ અને આઇયુએમએલએ વિરોધમાં વોકઆઉટ કર્યું.
રાજ્યસભામાં રાષ્ટ્રપતિના અભિભાષણ પ્રસ્તાવ પર ચર્ચા ચાલી રહી છે. આ દરમિયાન શિવસેના સાંસદ પ્રિયંકા ચતુર્વેદીએ કહ્યું કે ભાષણથી એવું લાગી રહ્યું છે કે ખેડૂતોની આવક બમણી થઈ ગઈ છે અને તે ખુશ છે. એગ્રીકલ્ચર એક્ટને કારણે ૭૦૦ ખેડૂતોના મોત થયાનું ભાષણમાં ફરી એકવાર કહેવામાં આવ્યું નથી. તેમણે કહ્યું, ભાષણમાં મહિલા સશક્તિકરણની વાત કરવામાં આવી હતી, પરંતુ સત્ય એ છે કે ‘બેટી બચાવો બેટી પઢાવો’નું સૂત્ર ‘બેટી ભુલા પ્રચાર બઢાવો’ બની ગયું છે.
