સંગઠન જૈશ-એ-મોહમ્મદના બે આતંકી મોડ્યુલનો પર્દાફાશ કરતી વખતે, સુરક્ષા દળોએ ૧૧ આતંકવાદીઓની ધરપકડ કરી હતી. તેમાંથી એક સગીર પણ છે. પકડાયેલા આતંકવાદીઓ પાકિસ્તાનમાં બેઠેલા હેન્ડલર્સના સીધા સંપર્કમાં હતા. તેઓ અનંતનાગમાં સુરક્ષા દળો પર હુમલો કરવાનો પ્રયાસ કરી રહ્યા હતા. તેમના કબજામાંથી હથિયારો અને ગુનાહિત સામગ્રી મળી આવી છે.
પોલીસે કહ્યું કે સૂત્રો પાસેથી એવી માહિતી મળી હતી કે જૈશ અનંતનાગ જિલ્લાના શ્રીગુફવારા અને બિજબિહાર વિસ્તારોમાં સુરક્ષા દળો પર હુમલો કરવાની યોજના બનાવી રહ્યું છે. જેના આધારે અનેક જગ્યાએ નાકા લગાવીને ચેકિંગ શરૂ કરાયું હતું. જ્યારે બાઇક પર સવાર ત્રણ લોકોને શ્રીગુફવારાના સાખરા ક્રોસિંગ પર બ્લોક પર રોકવાનો સંકેત આપવામાં આવ્યો, ત્યારે તેઓએ ભાગવાનો પ્રયાસ કર્યો. સતર્ક સૈનિકોએ તેમના પર કાબૂ મેળવ્યો. તલાશી દરમિયાન તેમની પાસેથી બે ચાઈનીઝ પિસ્તોલ, મેગેઝીન અને ગોળીઓ મળી આવી હતી.
પ્રારંભિક પૂછપરછ દરમિયાન, તેઓએ તેમના નામ અબ્બાસ અહેમદ ખાન અને હિદાયતુલ્લા કુટ્ટે (રહે. લીવર-પહલગામ) અને ઝહૂર અહેમદ ગોજરી (રહે. વિદ્દે-શ્રીગુફવારા) તરીકે જાહેર કર્યા. તેણે સ્વીકાર્યું કે તે જૈશના પાકિસ્તાની હેન્ડલર સાથે સીધો જાેડાયેલો હતો. હેન્ડલરના કહેવા પર તેઓ શ્રીગુફવારામાં પોલીસ અને સુરક્ષા દળો પર હુમલો કરવા જઈ રહ્યા હતા. આ પછી તેને જૈશના પ્રોક્સી આતંકવાદી સંગઠન કાશ્મીર ફ્રીડમ ફાઈટર્સ (દ્ભહ્લહ્લ)માં સામેલ કરવામાં આવ્યો . પોલીસના જણાવ્યા અનુસાર, ધરપકડ કરાયેલા આતંકવાદીઓના સ્થળ પર વધુ બે આતંકવાદીઓ શાકિર અહેમદ ગોજરી (રહે. વિદ્દે-શ્રીગુફવારા) અને મુશર્રફ અમીન શાહ (કાત્સુ-શ્રીગુફવારા)ની ધરપકડ કરવામાં આવી હતી. તેમની પાસેથી હથિયારો પણ મળી આવ્યા હતા.
પોલીસના જણાવ્યા અનુસાર, અનંતનાગ પોલીસે બિજબિહાર વિસ્તારમાં બીજા આતંકી મોડ્યુલનો પર્દાફાશ કર્યો અને છ દ્ભહ્લહ્લ આતંકવાદીઓની ધરપકડ કરી. તેઓની ઓળખ ફયાઝ અહેમદ ખાન (લીવર-પહલગામ), મુન્તાઝીર રશીદ મીર (યાનેર-પહલગામ), મોહમ્મદ આરીફ ખાન (મંદાર ગુંદ સખરા), આદિલ અહેમદ તંત્રે (હાટીગામ), ઝાહીદ અહેમદ નઝર (લીવર-પહલગામ) તરીકે થઈ હતી. એક સગીરની પણ ધરપકડ કરવામાં આવી છે
