મહાત્મા ગાંધી પર વાંધાજનક ટિપ્પણી કરનાર કાલીચરણ મહારાજને જામીન મળ્યા મને કલિયુગમાં સત્ય બોલવાની સજા મળી છે.
મહાત્મા ગાંધી પર વાંધાજનક ટિપ્પણી કરનાર કાલીચરણ મહારાજને જામીન મળી ગયા હતા અને ત્યાર બાદ તેઓ જામીન પર બહાર આવ્યા હતા. જેલમાંથી બહાર આવ્યા બાદ કાલીચરણ મહારાજ પહેલીવાર ઈન્દોર પહોંચ્યા, જ્યાં એરપોર્ટ પર તેમના સમર્થકોએ તેમનું ભવ્ય સ્વાગત કર્યું. આ દરમિયાન કાલીચરણ મહારાજે મહાત્મા ગાંધી પર વધુ એક ટિપ્પણી કરી અને કહ્યું કે તેમને સત્ય બોલવાની સજા મળી છે.
હકીકતમાં, કાલીચરણ મહારાજનું મધ્યપ્રદેશના ઈન્દોર એરપોર્ટ પર તેમના સમર્થકો દ્વારા ભવ્ય સ્વાગત કરવામાં આવ્યું હતું, ત્યારબાદ તેઓ મીડિયા સાથે વાત કરી રહ્યા હતા. આ દરમિયાન એક પત્રકારે પૂછ્યું કે તમે રાષ્ટ્રપિતા મહાત્મા ગાંધી પર વાંધાજનક ટિપ્પણી કરી હતી અને શું તમને તેનો અફસોસ છે? જવાબમાં કાલીચરણ મહારાજે કહ્યું, ‘ના, મને કોઈ અફસોસ નથી. મને કલિયુગમાં સત્ય બોલવાની સજા મળી છે.
કાલીચરણ મહારાજે શું કહ્યુંઃ હકીકતમાં, ગયા વર્ષે ડિસેમ્બરમાં છત્તીસગઢના રાયપુરમાં યોજાયેલી ધર્મ સંસદમાં કાલીચરણ મહારાજે મહાત્મા ગાંધી માટે વાંધાજનક શબ્દોનો ઉપયોગ કર્યો હતો. આ સાથે જ તેમણે મહાત્મા ગાંધીની હત્યા માટે નાથુરામ ગોડસેને પણ નમન કર્યા હતા. આ ઘટનાક્રમ બાદ કોંગ્રેસ કાર્યકર્તાઓ દ્વારા છત્તીસગઢમાં ઘણી જગ્યાએ હ્લૈંઇ દાખલ કરવામાં આવી હતી. આ પછી કાલીચરણ મહારાજની મધ્યપ્રદેશમાંથી ધરપકડ કરવામાં આવી હતી.
જણાવી દઈએ કે ૧ એપ્રિલે બિલાસપુર કોર્ટે કાલીચરણ મહારાજને જામીન આપ્યા હતા. સરકારી વકીલે કાલીચરણ મહારાજની જામીન અરજીનો જાેરદાર વિરોધ કર્યો, પરંતુ તેમ છતાં કાલીચરણ મહારાજને જામીન મળી ગયા. સરકારી વકીલે જામીન અરજીનો વિરોધ કરતા કહ્યું હતું કે કાલીચરણ મહારાજ બહાર આવે ત્યારે સાંપ્રદાયિકતા ફેલાવી શકે છે. તે જ સમયે, કાલીચરણ મહારાજના વકીલે કહ્યું કે તેઓ ૩ મહિનાથી જેલમાં છે, તેથી તેમને જામીન મળવા જાેઈએ.
કાલીચરણ મહારાજની છત્તીસગઢ પોલીસે મધ્યપ્રદેશના ખજુરાહોથી ધરપકડ કરી હતી. જાે કે મધ્યપ્રદેશ સરકારે કાલીચરણની જે રીતે ધરપકડ કરવામાં આવી તેના પર નારાજગી વ્યક્ત કરી હતી. એમપીના ગૃહ પ્રધાન નરોત્તમ મિશ્રાએ કહ્યું હતું કે એમપી પોલીસને જાણ કર્યા વિના આ ધરપકડો કરવામાં આવી છે, જે સંઘીય માળખાની વિરુદ્ધ છે.
