પ્રેસ કોન્ફરન્સ કે માત્ર ફોટોસેશન?
એન્કર ઇન્ટ્રો:
“પ્રેસ કોન્ફરન્સ એટલે જનતાના પ્રશ્નો પૂછવાનું મંચ કે પછી માત્ર ફોટા અને બાઇટ્સ લેવાનો કાર્યક્રમ? આજે એક એવો પ્રશ્ન, જે સમગ્ર મીડિયા જગત માટે આત્મચિંતનનો વિષય બની રહ્યો છે.”
ઘણી પ્રેસ કોન્ફરન્સમાં જોવા મળે છે કે કલાકો સુધી કાર્યક્રમ ચાલે છે, પરંતુ જનતાને સ્પર્શતા મુદ્દાઓ પર બહુ ઓછા પ્રશ્નો પૂછાય છે. મોંઘવારી, ભ્રષ્ટાચાર, બેરોજગારી, શિક્ષણ, આરોગ્ય અને સ્થાનિક સમસ્યાઓ જેવા ગંભીર મુદ્દાઓ પર જવાબદારીપૂર્વક સવાલો થવા જોઈએ, પરંતુ કેટલાક પ્રસંગોમાં પ્રશ્નોત્તરી ખૂબ મર્યાદિત રહેતી જોવા મળે છે.
પત્રકારનું કામ માત્ર માઇક પકડીને ઊભા રહેવાનું નથી. પત્રકારની સૌથી મોટી ઓળખ તેની નિષ્પક્ષતા, તૈયારી અને સવાલ પૂછવાની ક્ષમતામાં રહેલી છે. જ્યારે સવાલો નથી પૂછાતા, ત્યારે સત્તાધીશો અથવા જવાબદાર અધિકારીઓને કઠિન પ્રશ્નોના જવાબ આપવાની તક પણ આવતી નથી, અને જનતા મહત્વપૂર્ણ માહિતીથી વંચિત રહી શકે છે.
અલબત્ત, તમામ પત્રકારોને એકસરખા ગણવા યોગ્ય નથી. ઘણા પત્રકારો આજે પણ જોખમ લઈને, પૂરતી તૈયારી સાથે અને જનહિતના મુદ્દાઓ પર મજબૂત સવાલો પૂછે છે. તેમનું કાર્ય લોકશાહી માટે અત્યંત મહત્વપૂર્ણ છે.
NS NEWSનો પ્રશ્ન છે:
પ્રેસ કોન્ફરન્સમાં હાજરી પૂરતી છે કે જનતાના વતી સવાલ પૂછવાની હિંમત પણ એટલી જ જરૂરી છે?
તમારો અભિપ્રાય શું છે? શું પ્રેસ કોન્ફરન્સમાં વધુ જવાબદાર અને અસરકારક પ્રશ્નોત્તરી થવી જોઈએ? કેટલી PR એજન્સી તો પત્રકાર નો રાફડો ફાડી નાખે એટલા ભેગા કરે છે પણ એમાંથી પાંચ ટકા લોકો ને સવાલ જવાબ કરતા નથી આવડતા હવે એ પ્રેસ કોન્ફરન્સ રાખતા કંપની ઓને વિચારવાનું કે આવી PR એજન્સી ને કામ સોંપાય કે નહીં જેની પાસે સવાલ જવાબ કરતા પત્રકારો પણ નથી જાણો વધુ વિગતો સાથે અમારા આવતા આર્ટિકલ માં
