આગામી 5 દિવસ ભારે વરસાદની આગાહી:48 કલાકમાં દક્ષિણ ગુજરાતમાં ભારે વરસાદ ,સૌરાષ્ટ્રમાં અતિભારે વરસાદની શક્યતા,

આગામી 5 દિવસ ભારે વરસાદની આગાહી:48 કલાકમાં દક્ષિણ ગુજરાતમાં ભારે વરસાદ ,સૌરાષ્ટ્રમાં અતિભારે વરસાદની શક્યતા, દરિયાકાંઠા ના માછીમારોને દરિયો નહીં ખેડવા ચેતવણી

રાજ્યમાં આવનારા 5 દિવસ ફરીવાર વરસાદ પડવાની આગાહી કરવામાં આવી છે. ગુજરાત હવામાન વિભાગની આગાહી મુજબ આગામી 48 કલાકમાં રાજ્યના કેટલાક વિસ્તારોમાં ભારેથી અતિભારે વરસાદ પડી શકે છે, જેમાં દક્ષિણ ગુજરાતમાં ભારે વરસાદ પડી શકે છે, સૌરાષ્ટ્રમાં અતિભારે વરસાદ પડવાની શક્યતા છે. અમદાવાદ અને ગાંધીનગરમાં સામાન્ય વરસાદ પડવાની શક્યતા છે. આ સાથે ઉત્તર અને મધ્ય ગુજરાતમાં પણ ભારે વરસાદ પડવાની આગાહી કરાઈ છે. હવામાન વિભાગના જણાવ્યા અનુસાર વરસાદની એક સિસ્ટમ સક્રિય બની છે અને મોન્સૂન એક્ટિવિટીને કારણે ભારે વરસાદની આગાહી કરવામાં આવી છે. માછીમારોને 8 અને 9 ઓગસ્ટે દરિયો ન ખેડવા ચેતવણી આપવામાં આવી છે. આગામી 24 કલાકમાં રાજ્યમાં 177 તાલુકામાં વરસાદ પડ્યો ,છેલ્લા 24 કલાકમાં રાજ્યમાં 177 તાલુકામાં વરસાદ પડ્યો છે, જેમાં છોટાઉદેપુરના ક્વાંટમાં 6 ઈંચ કરતાં વધુ વરસાદ થયો છે. બીજી તરફ, નવસારીના જલાલપોરમાં 5 ઈંચ અને સાબરકાંઠાના વડાલીમાં સાડાચાર ઈંચ વરસાદ ખાબક્યો છે. એ ઉપરાંત ગઢડા, કપડવંજ, જૂનાગઢ, પલસાણા, તલાલા, સાવરકુંડલા, નવસારી, મહુઆમાં 3થી 4 ઈંચ વરસાદ નોંધાયો છે. ગુજરાતમાં જુલાઈ બાદ ઓગસ્ટમાં પણ વરસાદનો રાઉન્ડ ચાલુ રહ્યો છે. રાજ્યમાં સીઝનનો કુલ 24 ઈંચ વરસાદ ખાબકી ગયો છે, જેમાં કચ્છમાં 21 ઈંચ, ઉત્તર ગુજરાતમાં 19 ઈંચ, મધ્ય ગુજરાતમાં 20 ઈંચ, સૌરાષ્ટ્રમાં 18 ઈંચ, દક્ષિણ ગુજરાતમાં 50 ઈંચ વરસાદ થયો છે. 48 કલાકમાં દક્ષિણ ગુજરાતમાં ભારે,સૌરાષ્ટ્રમાં અતિભારે વરસાદની શક્યતા, માછીમારોને દરિયો નહીં ખેડવા ચેતવણી