હાઈવે પર સ્ત્રી વેશમાં વાહન ચાલકોને લૂંટતી ગેંગ ઝબ્બે , એલસીબીએ પેટ્રોલિંગ દરમિયાન ચાર શખ્સને સાણંદના રેથલ ગામ પાસેથી દેશી બંદૂક, છરા સાથે ઝડપી લીધી
(પ્રતીકાત્મક તસ્વીર)
છેલ્લા ઘણા લાંબા સમયથી અમદાવાદ ગ્રામ્યમાં હાઇવે પરથી પસાર થતા વાહનચાલકોને સ્ત્રીવેશમાં લૂંટી લેતા ચાર સભ્યોને અમદાવાદ એલસીબીની ટીમે ઝડપી લીધા છે. હાઈવેઉપર વાહન ચાલકોને લૂંટી લેવાની ઘટનામાં સતત વધારો થતાં એલસીબીના સ્ટાફે સમગ્ર હાઇવે ઉપર પેટ્રોલિંગ શરૂ કરી દીધું હતું ત્યારે જ એલસીબી પીઆઇ પટેલ અને તેમની ટીમ પેટ્રોલિંગમાં હતી ત્યારે સાણંદ નજીક રેથલ હાઇવે પાસે સ્ત્રી વેશ ધારણ કરી શિકારની શોધમા બેઠેલા ડફેર ગેંગના ચાર સભ્યોને પોલીસે દબોચી લીધા હતા.તેમની પાસેથી ચાર જામનગરી બંદુક તથા છરા અને મોટરસાયકલ મળી આવ્યા હતા. ઝડપાયેલા આરોપી અહમદ સિંધી, અલારખા સિંધી, ભુરા સિંધી તથા ગની સિંધીએ પ્રાથમિક પૂછપરછમાં જણાવ્યું હતું કે તેઓ નિર્જન હાઇવે ઉપર ગેંગના સભ્યો બીપી એક સ્ત્રી વેશ ધારણ કરી રોડ ઉપર ઊભા રહેતા અને તેને જોઇ કોઇ વાહનચાલક તેને લઈ જાય કે તરત જ તે વાહન ચાલકને પકડી આવી નજીકની એકાંતમાં લઈ જઈ બાંધી માર મારતા અને તેની પાસેથી મોબાઇલ તથા રોકડ રૂપિયાની લૂંટ ચલાવી ભાગી જતા હતા. તપાસ દરમિયાન હજુ વધુ ગુનાના ભેદ ઉકેલાયો સંભાવના પોલીસ જોઈ રહી છે.
નૈતિક સમાચાર (NS NEWS)
વધુ સમાચાર માટે અમારા પેજ-ચેનલ અને વેબસાઈટ ને Follow-Like અને subscribe કરો
https://www.facebook.com/NS-News-1863839916995616/
